. Гавааны Чагнаадорж. (Улс төр судлалын ухааны доктор) 1953 онд Завхан аймгийн Тэс сумын нутаг Доонын үхэр чулуутад төрсөн. 1960-1970 онд Тэс сумын бага сургууль, Баянхайрхан сумын сургууль, Улиастай хотын Б.Элдэв-очирын нэрэмжит 10н жилийн сургуулийг төгссөн. 1976 онд Москва хотын Автомашин замын техникийн их сургуулийг Зам харилцааны инженер мэргэжлээр төгсчээ. Тэрбээр 1981-1984 онд ЗХУКН-ын ТХ-ны дэргэдэх Нийгмийн ШУА-д суралцан Улс төр судлалын ухааны докторын зэрэг хамгаалж, 1990 онд БНМАУ-ын эрдмийн зэрэг цол олгох дээд комиссос түүнд Пропессор цол олгосон байна. Г.Чагнаадорж нь 1976-1981 онд МХЗЭ-ийн ТХ-нд зааварлагч, Хэлтсийн эрхлэгч, 1984-1990 онд МАХН-ын ТХ-д зохион байгуулагч, НДС-ийн намын хорооны дарга, 1990-2002 онд МАХН-ын УЗ-д Улс төрийн ажилтан, Төр засгийн үйлчилгээ аж ахуйг эрхлэх газрын захиргааны хэлтсийн дарга, Үндэсний стандартчилал, хэмжил зүйн газрын тамгын газрын дарга, Үндэсний бүтээмж хөгжлийн газрын дэд захирал, Говь корпорацын захиргааны менежер, 2002 оноос УИХ-ын Төрийн байгуулалтын байнгын хорооны ажлын алба зэрэгт ажиллажээ.